Dagsskipun flokksins er: Öllu skal fórnað fyrir vafninginn og hans spillta lið (lesist - pakk)

Er Hanna Birna að svara kalli hins almenna flokksfélaga og kjósenda með þessu varaformannsframboði, hún sem hafði áður alfarið hafnað þeim möguleika?

Þetta nýjasta framlag Hönnu Birnu er augljóslega að boði flokkseigandafélags Sjálfstæðisflokksins og er ekki sniðið til þess að koma flokknum, sem slíkum, til valda heldur til að tryggja völd „réttra“ manna, flokksgæðinga með réttu hagsmuna tengslin.

Flokkeigandafélag Sjálfstæðisflokksins sér að hægt og örugglega fjarar undan því litla trausti sem almenningur hefur á Bjarna Benediktssyni og vill tryggja að Hanna Birna fari ekki gegn „glataða syninum“ á flokksþinginu.

Flokkseigandafélagið kýs ætterni og hagsmunatengsl fram yfir heiðarleika og æru, því vill það frekar spilltan og ærulausan karl í forystu en heiðarlega konu, sem hefur unnið sér það eitt til saka, að þeirra mati, að vera „ættsmærri“ en vafningurinn Bjarni, þrátt fyrir afgerandi umfram mannkosti.

Flokkseigendafélagið ætlar Hönnu Birnu það eina hlutverk að lyfta vafningnum upp í embætti forsætisráðherra, sem verður meiriháttar pólitískt hneyksli, jafnvel á íslenskan mælikvarða. 

Lítil leggst fyrir góða stúlku að þrælmenni skuli henni að fjörtjóni verða!

Býður sig fram til varaformanns

Eiga konur að vera jafnari en karlar?

Ég átta mig ekki alveg á þessu innleggi Birgittu í jafnréttisumræðuna og hvort þessar hugrenningar geti talist yfir höfuð vera á einhverju jafnréttisplani.

Hvað meinar hún með því að það sé afturför í jafnréttismálum að karl tók við formannsembættinu í Samfylkingunni af konu? Telur hún að gegni kona einhverju embætti, sé það embætti framvegis eign kvenna? Er jafnréttið bara kvenna?

Hvað koma þessi formanns- skipti í Samfylkingunni því við hverjir eru formenn hinna flokkana? Er hún að meina að karl geti ekki verið formaður Samfylkingarinnar af því for- menn hinna flokkana eru karlar?

Hún segist ekki vera að kalla eftir kynjakvóta, en ef hún er ekki að því hvað er hún þá að fara?

Hefði hún séð ástæðu til svona jafnréttisskrifa um meintan kynjahalla væru formenn allra flokkana konur? Það efa ég, það er fullmikil kvennalykt af þessum skrifum Birgittu til að ræsa minn skilning.

„Sorgleg afturför í jafnrétti“

Nú er kátt í Valhöllinni

Kjöri Árna Páls er örugglega fagnað í Valhöll. Frá þeim bæjardyrum séð hafa líkurnar stóraukist á hreinni og ómengaðri frjálshyggjustjórn eftir kosningar.

Íhaldið sér fyrir sér að Samfylkingin eða Framsókn fáist til stjórnarsamstarfs nánast stefnumála frítt, undirbjóði blíðu hvors annars og fórni, eins og svo oft áður,  ærunni fyrir nokkra ráðherrastóla.

Trikkið verður auðvitað að fjölga ráðherrum aftur nægjanlega mikið svo að sem flestir verði sáttir við sinn hlut.

„Stríðsrekstur ekki til árangurs“

Fyndin fyrirsögn

Það er giska fyndið að kalla það ekki breytingu í Suðurkjördæmi verði það niðurstaðan að Árna Johnsen verði sópað fyrir borð.

Á maður að trúa því í alvöru að Sjálfstæðismenn í Suðurkjördæmi hafi ákveðið að taka til hjá sér og bera út ruslið?

Engin breyting í Suðurkjördæmi

Hættum þessum falska mannúðarleikaraskap

Þar fáum við það beint í andlitið hverjar afleiðingarnar geta orðið fyrir Eimskip, af þeim leikara- og gunguskap sem stundaður hefur verið varðandi meinta hælisleitendur hér á landi.

Það blasir við öllum sem það vilja sjá að „hælisleitendur“, sem reyna að strjúka ólöglega úr landi og það ítrekað, hafa nákvæmlega engan áhuga á langframa landvist á Íslandi . Það er því hrein heimska að rúlla „hælisumsókn“ þeirra áfram í ofhlöðnu kerfinu eins og ekkert hafi í skorist.

Það gengur ekki, hvort heldur er út frá mistúlkuðum mannúðarsjónarmiðum eða öðrum viðmiðum, að þessir „hælisleitendur“ fái að spila frítt spil hér á landi, utan laga og reglna og þeim sé í ofanílag greitt kaup fyrir það.

Það gengur ekki að þeim sé frjálst að fremja afbrot, hundsa lög og reglur landsins og það ítrekað, án þess að það hafi hinar minnstu afleiðingar eða áhrif á „hælisumsókn“ þeirra, nema þá til þess að lengja í því óskiljanlega ferli sem þessi mál virðast lenda í.

Þeim rumpulýð sem staðfestir falska hælisumsókn með tilraunum að laumast ólöglega úr landi eða með öðrum afbrotum eða ljúga hreinlega til um nafn og uppruna, framvísa fölskum pappírum við komuna til landsins á auðvitað að vísa úr landi með það sama.

Það myndi létta gríðarlega á úrvinnslu umsókna heiðarlegra hælisleitenda sem hingað koma, eru þeir sem segjast vera og hafa fulla meiningu að baki sinni hælisumleitan.

Bjóðum það fólk velkomið en losum okkur við rumpulýðinn.

Hóta að loka höfnum fyrir skipum Eimskips

Er forsetinn ekki "með fulle fem"?

Það er ljóst að Ísland verður ekki aðili að ESB nema þjóðin ákveði það í þjóðaratkvæðagreiðslu. Forseti Íslands segir hinsvegar að ekki verði af ESB aðild á hans vakt.

Er forsetinn að segja að hann muni fara  gegn vilja þjóðarinnar, með öðrum orðum fremja valdarán, komi til þess að þjóðin ákveði að ganga í ESB?

Er Ólafur ekki í lagi?

Forsetinn ræðst að Gordon Brown

Þorraþefur kemur til byggða

Það er fyrst núna í aðdraganda Þorra, á loka misseri ríkisstjórnarinnar, sem það rennur upp  fyrir Jóni Bjarnasyni að hann hefur aldrei starfað með þingflokki VG. Þó það hafi farið framhjá Jóni hefur þverstaða hans við þingflokkinn og ríkisstjórnina verið á allra vitorði frá upphafi kjörtímabilsins.  

Þarna er Jón Bjarnason lifandi kominn, að venju seinastur að fá roða á peruna. Þetta eru því engar fréttir, nema fyrir Jón sjálfan.

Sem betur fer er Jón Bjarnason ekki jólasveinn, þó hann hafi til þess alla burði. Samvinna og samstaða er honum um megn en sundrung, ósætti og önnur óáran hans ær og kýr. Til að þjóna þeirri lund sinni kæmi hann eflaust ekki til byggða, væri hann jólasveinn, fyrr en í upphafi Þorra og kallaðist Þorraþefur.  

Jón úr þingflokki VG

Ekki aftökur - heldur morð

Afskaplega er ég ósáttur hvernig íslenskir fjölmiðlar, sínkt og heilagt, rugla saman morðum og aftökum.

Hryðjuverkamenn, glæpamenn og aðrir slíkir daldónar taka ekki fólk af lífi, þeir myrða.

Tóku sjö gísla af lífi

Litli blái haninn fann fræ, það var íhaldsfræ

Við bakstur á hinni hefðbundnu Íhaldsköku, sé uppskriftinni fylgt,  er öll þjóðin kölluð að verkinu. Allir eru látnir leggja til vinnu og hráefni í kökuna en að sjálfsögðu í öfugu hlutfalli við bolmagn og getu.

Bjarni Ben nefnir auðvitað ekki að þegar kemur að því að skipta kökunni verða sneiðarnar hafðar fáar og stórar. Enda eru íhaldskökur aðeins ætlaðar fáum útvöldum, þá helst þeim sem lítið eða ekkert leggja á sig við baksturinn.

„Við viljum stækka kökuna“

Kristinn H. genginn í Dögun

Þar fór góður flokkur í hundskjaft!

 

Kristinn er genginn í Dögun