Gamall, en sem nýr

Sá gamlan brandara á Fésinu í dag. Í ljósi síðustu atburða og þess óhjákvæmilega er rétt að dusta af honum rykið.

--o0o--

Flugvélin var við það að hrapa, það voru 5 farþegar um borð en aðeins 4 fallhlífar. Fyrsti farþeginn sagði: "Ég er Sigmundur Davíð, hinn útvaldi forsætisráðherra. Heimurinn þarfnast mín, það er ekki minn tími til að deyja." Hann tók fyrstu fallhlífina og stökk úr flugvélinni.

Annar farþeginn, Bjarni Ben, sagði: "Ég er fjármálaráðherra og formaður stærsta stjórnmálaflokks á Íslandi." Hann greip fallhlífina við hliðina á honum og stökk.

Þriðji farþeginn, Vigdís Hauksdóttir, sagði: "Ég er formaður fjárlaganefndar og hlutverk mitt er að vinda ofan af bótavæðingu síðustu vinstristjórnar!!!" Hún tók þriðju fallhlífina og stökk út úr flugvélinni.

Fjórði farþeginn, Ómar Ragnarsson, sagði við fimmta farþegann, 10 ára gamla stelpu, "Ég hef lifað góðu lífi og þjónað landi mínu eins og best var á kosið. Ég mun fórna lífi mínu og láta þig hafa síðustu fallhlífina."

Litla stúlkan sagði, "Þetta er allt í lagi, Ómar. Það eru 2 fallhlífar eftir, Vigdís stökk með skólatöskuna mína."

Klára ákveðin mál - svo kosningar

Glerhúsið Landsbankinn

Steinþór Pálsson bankastjóri Landsbankans ritar grein í Fréttablaðið í dag. Þar kvartar hann sáran undan nafnlausum skrifum, í því sama blaði, hvar miljarðaklúður hans á kostnað almennings, eigenda bankans, var gagnrýnt.

Það er giska broslegt að skrif undir nafnleynd skuli pirra bankastjórann knáa, manninn sem felur sig á bakvið bankaleynd þegar honum best hentar!

Í alvöru...

„Ólafur Ragnar Grímsson, forseti Íslands, sem er stórmeistari íslensku fálkaorðunnar, hefur svipt Sigurð Einarsson, fyrrverandi stjórnarformann Kaupþings, rétti til þess að bera fálkaorðuna, sem forsetinn sæmdi Sigurð hinn 1. janúar 2007“.

Ekki verður annað skilið af fréttinni en að Sigurður Einarsson hafi aðeins verið sviptur réttinum til að bera Fálkaorðuna, en haldi orðunni sjálfri, þurfi m.ö.o. ekki að skila henni.

Er svipting í orði nægjanleg til að Siggi skarti ekki krossinum þegar og ef honum hentar? Er maðurinn ekki í grjótinu einmitt vegna þess að hann gerði annað en ætlast var til?

Gott ef hann gengur ekki með kross skömmina á bringunni í grjótinu, dagsdaglega.

Sviptur rétti til að bera orðuna

Það er ekki eðlilegt hvað sumir eru heppnir

Það er ekki nóg með að litla prinsessan enska sé svo lánsöm að verða á framfæri þjóðarinnar til æviloka, fyrir það eitt að hafa komið úr pung pabba síns - heldur á hún líka sama afmælisdag og David Beckham.

Vá! Þetta verður ekki toppað.

Á sama afmælisdag og Beckham

Illur bróðir er mörgum óvin verri

Kemur það einhverjum á óvart að Davíð Oddson segi í Reykjavíkurbréfi Moggans, það var ekki ég, ..ekki ég, ...ekki ég og afneiti þannig aðkomu sinni að gjaldþroti Seðlabankans og varpi ábyrgðinni á vin sinn og bandamann, sjálfum sér til bjargar? Nefndi ekki einhver skítlegt eðli?

Það hlýtur að vera almenn krafa að Seðlabankinn geri hreint fyrir sínum dyrum og stýrimenn þáverandi ríkisstjórnar, Geir Haarde og Ingibjörg Sólrún, sömuleiðis. Fyrsta skrefið í þeirri hreingerningu hlýtur að vera að hinni undarlegu leynd sem hvílt hefur á símtali Geirs þáv. forsætisráðherra og Davíðs Oddsonar þáv. seðlabankastjóra, verði aflétt nú þegar.

Er Seðlabankinn ekki sjálfstæð stofnun? Eða er það þannig að Seðlabankastjóri framkvæmi athugasemdalaust fyrirmæli forsætisráðherra, sem berast honum símleiðis, að tæma sjóði bankans með jafn vafasömum hætti og þarna var gert? Er Davíð að segja það og fyrir hvað þáði hann þá sín ríflegu laun öll þessi ár sem hann var á spena bankans?

Geir veitti Kaupþingi lánið

Simon Cowell, Höttukolla og nýríki Nonni

Hver ekkifréttin rekur aðra á mbl.is þessa dagana. Fréttir sem hafa minna en ekkert fréttagildi og engan sýnilegan tilgang annan en að þjóna uppbelgdum þjóðernishroka.

Hverjum hefði dottið það í hug að jólaleikrit í sunnudagaskóla í einskis-manns sveitakirkju einhverstaðar í miðjum einskis-manns afkima í Louisiana rataði í fréttir á Íslandi.  

Jú einmitt - þegar  auka-aukaleikarar í uppfærslunni reynast vera „íslenskir“. Fjórar kindur af íslensku eðalkinda kyni ráðgera að stíga á svið um jólin og hefja með því glæstan leiklistarferil. Þær munu eflaust leggja Höllívúúd að klaufum sér eins og aðrir vaskir leikarar héðan að heiman hafa gert.

Karlrembu montvindhaninn Simon Cowell  mismælti sig eitthvað um uppruna á íslensku lagi og hvað gerist? Jú einmitt- allt fer á hliðina á Mogganum og gott ef prentun blaðsins var ekki stöðvuð í miðju kafi til að skipta um forsíðu.

Svo er það þessi frétt um einhvern „nýríka Nonna“ sem bókstaflega elskar íslenska grjótið á húsgólfi sínu í Las Vegas. Svo mikið elskar Nonni íslenska gólfið sitt að hann hefur sett það á sölu og er tilbúinn að taka matador peninga sem greiðslu, losni hann bara við fjandans gólfið.

 

 

Velur bitcoin og íslensk gólfefni

Femínfasisminn nær nýjum hæðum

Femínistafasistum eru greinilega engin takmörk sett í þeirri ætlan að þvinga fram, með góðu eða illu, þeirri ætlan sinni að bæði kynin verði á endanum eins.

Femínfasistar í Svíþjóð og víðar í Evrópu telja að nauðsynlegur  áfangi á þeirri vegferð sé að banna karlmönnum að pissa standandi.

Banni við standandi pissi þýðir auðvitað að pissuskálar hverfa og klósetin ein verða í boði. Hvernig sem boðum og bönnum verður hrúgað yfir samfélagið verða alltaf til sóðar, bæði menn og konur. Sóðar sem hafa ekki lært að lyfta setunni áður en þeir míga munu ekki frekar geta lært að pissa sitjandi og munu því halda áfram að míga út seturnar hvað sem öllum femínfasisma líður.

Útmigin seta þýðir bara eitt, að enginn sest á klósetið þann daginn, eða snertir á henni  til að lyfta henni, allra síst öfgafullar femínistapjattrófur. Þeir munu því jafnt og aðrir pissa standandi og á setuna þann daginn. Þessi fasismi mun því ekki draga úr sóðaskap, heldur þvert á móti auka hann til muna.

Þá verða  eftirlitsmyndavélar á salernum væntanlega næsta innlegg femínista til að ná fullri stjórn á þvaglátum manna.

 

Banna körlum að pissa standandi

Stutt er á milli pungs og boru

Tveir þjóðkunnir íslendingar sköpuðu sér  í vikunni alveg nýja ímynd með ummælum sínum um menn og málefni.

 

 

Náttfatapartý

Ekki veit ég hvort það er mafíutengt en það er hreint ekki óalgengt hér í Grindavík að sjá fólk í náttbuxum á opinberum vettvangi.

 

Það virkar örlítið stuðandi,  að sjá konur úti í búð málaðar og vel tilhafðar ofan mittis, en í náttbuxum og bangsainniskóm neðan þess. Rétt eins og neðriparturinn sé enn sofandi heima.

 

Eða að sjá togarajaxl mæta, í slabbi um hávetur, í karlagrobbspjall á Olís árla morguns, íklæddan svörtum leðurjakka og rauðum náttbuxum með litlum svörtum fílamyndum og með inniskó á fótum.

 

En kannski er Ísland svona í dag.

 

 

 

Handtekinn á náttfötunum

Glópalán í óláni