Hvar greiðir Björk sína skatta?

Getur einhver upplýst mig og aðra hvar Björk hefur lögheimili og hvert hún greiðir sína skatta?

 

Greiði hún sína skatta erlendis, eins og mig grunar að hún geri, en ekki hér heima þá sveiflast þetta brölt hennar úr því að vera virðingarvert yfir í hreina og klára hræsni og ekkert annað.

  

Björk: „Afgangar af spillingunni“

Vita en vilja ekki.

Það þarf enginn að segja mér að Bandaríkja menn viti ekki upp á þríklofið rautt kuntuhár hvar Ódáminn er að finna og gætu því verið búnir að ná honum fyrir löngu hefði verið til þess minnsti vilji.

 

Osama bin Laden hefur um hríð verið hornsteinninn í þeirri utanríkis- og efnahagspólitík sem Bandaríkjamenn hafa rekið. Falli bin Laden þurfa þeir að koma sér upp nýjum óvin, nýrri ógn til að réttlæta hernaðarbröltið.

 

Það væri þeim ekki  vandamál, í sjálfu sér, að koma sér upp nýjum óvin, því það kunna þeir öðrum betur.

 

Clinton telur bin Laden í Pakistan

Kálfar eða menn

Er þetta ekki deila um keisarans skegg? Ef í kúamjólkinni eru hormónar, leifar af blóði, vessar og annað vesen, hvað þá með kjötið af skepnunni, er það ekki undir sömu sökina selt?

 

Það getur varla verið „skaðlegra“ að drekka kúamjólk, efnafræðilega séð, en éta beljuna sjálfa.

  

Hika einhverjir við að éta kjötið, aðrir en forhertar grænmetisætur?

Erum við kannski öll hálfgerðir kálfar, eftir alltsaman?

 

Kúamjólk bara fyrir kálfa?

Hverslags er þetta?

 

Af hverju tekur maðurinn ekki ferjuna eigi hann erindi út í Eyjar? Getur ekki einhver lánað honum fyrir farinu sé það málið?

  

Á sundi til Vestmannaeyja

Mulningur #40

„Ég skil þetta bara ekki,“ -sagði unga fallega konan alvarleg á svip við kvensjúkdómalækninn.

 

„Í hvert sinn sem ég fer úr fötunum verða geirvörturnar á mér stífar og glerharðar.“

 

„Það er vissulega dálítið undarlegt,“ – sagði læknirinn – „farðu úr fötunum svo ég geti skoðað þetta.“

 

Læknirinn skoðaði síðan vandlega á henni  brjóstin og geirvörturnar. Hann þreifaði, þuklaði og virti brjóstin vandlega fyrir sér og sagði síðan nokkuð vandræðalegur á svip.

 

„Ég verð að viðurkenna að ég hef ekki minnstu hugmynd um hvað að þér gengur, nema ég veit að það er bráðsmitandi.“

 

„Allt fór afsíðis sem afsíðis gat farið.....“

Mikið fjandi  er „Laugarvegurinn“  orðin breiður fyrst það tekur tæpa 5 tíma að skokka yfir hann.

Það mætti halda að blaðamenn mbl.is væru í keppni um bjálfalegustu fyrirsögnina, því varla birtist ambögulaus fyrirsögn þessa dagana.

 

Þorlákur fyrstur yfir Laugaveg

Er engin hætta á ferðum í yfirvofandi árekstri?

Það er undarlegt að lesa í fréttinni að engin hætta hafi skapast þegar árekstraviðvörun Fokkerflugvélar fór í gang í aðflugi að Reykjavíkurflugvelli.

Þessi árekstraviðvörun í flugvélum er mesta þarfaþing og eins og nafnið bendir til er hún til þess gerð að vara flugmenn við yfirvofandi árekstri og það kemur spánskt fyrir sjónir að þá sé ekki talin vera hætta á ferðum.

Þetta telst vera „flugatvik“ og tekið til rannsóknar sem slíkt.

Skoða ástæður viðvörunarinnar

Landsins ljótasta hús.

Það halda sumum mönnum engin bönd þegar þeir fá tækifæri til að fara á illa ýkt menningar fyllirí. Núna hefur menntamálaráðherra tekið eitt slíkt flikk flakk og friðað útlitið á Gljúfrasteini!

 

Ef nóbelsskáldið hefði ekki búið í þessu húsi væri fyrir löngu búið að rífa það fyrir útlitssakir og sjónmengun, því lakari arkitektúr og ljótara hús er vandfundið.

 

En hvað gera menn ekki þegar menningarsnobbið er annarsvegar?

   

Ráðherra friðar Gljúfrastein

Líkhótel lögreglunnar

Ef marka má fyrirsögn fréttarinnar þá er lögreglan farin að hýsa látið fólk.

Það er gaman að skemmtilegum uppátækjum. Líkhótel lögreglunnar er vissulega ein af frumlegri og skemmtilegri nýungum síðari tíma.

 

Sex látnir sofa úr sér

Ég get staðfest þetta

Það liggur króna á símaborðinu hjá mér og hún hefur ekki hreyft sig í allan dag. Hún heldur kyrru fyrir og hefur hægt um sig.

 

Krónan heldur kyrru fyrir