Óbreytt ástand er ávísun á verra ástand.

Mér segir svo hugur um að samskiptin við lausagönguliðið í VG hafi ekki orðið auðveldara eftir kisusögur helgarinnar.

Sennilegt má telja að einhverjir hugsi forsætisráðherra þegjandi þörfina og grípi það tækifæri sem hverjum best hentar til að hnykkja á því.

Ef einhvern tímann er þörf á smjörklípu í feld kisu, þá er það núna.

Stjórnarsamstarfið ekki í hættu

Ekkert kattaráp!

Lausaganga hunda er auðvitað bönnuð á Alþingi eins og víða annarstaðar.

Ekki er óeðlilegt að slíkt hið sama gildi um ketti.

Ráp og þvælingur katta um sali Alþingis með tilheyrandi hlandgangi og óþrifnaði  er með öllu  ólíðandi. 

Hemjum kettina, nema þeir ákveði að vana sig sjálfir.

.

Þingflokkur VG á fundi

Mulningur #20

Hannes var í fúlu skapi á sýsluskrifstofunni að borga hraðasekt. Þegar hann hafði greitt sektina rétti gjaldkerinn  honum kvittun.

„Hvern andskotann á ég að gera við þessa kvittun, ramma hana inn?“, hreytti  Hannes í ungu konuna.

„Þú átt að geyma hana,“ svaraði unga konan blíðlega „því þegar þú ert kominn með þrjár færðu reiðhjól“.

.

.

 

Frelsishetjur eða Quislingar?

Þungamiðjan í þessari frétt er sú staðreynd, sem ljós hefur verið lengi en ekki farið hátt, að sumir Íslendingar hafa lagt meira upp úr þjónkun og þjónustu við Bandaríkin en hollustu við fósturjörðina.

Ekki hafa þessir menn þó verið kallaðir Quislingar eða landráðamenn eins og er í tísku þessa daganna hjá vissum hópi manna þegar þeir ræða um núverandi stjórnvöld landsins.

 

DV: Leyniskýrslur sendiráðs Bandaríkjanna

Mulningur #19

Hannes hringdi í eiginkonuna úr vinnunni.

„Heyrðu elskan. Það kom dálítið upp hjá mér. Strákarnir buðu mér í viku veiðitúr í Laxá í Aðaldal á besta tíma og ég get ekki sleppt því. Við förum norður í kvöld. Geturðu pakkað niður fyrir mig? Taktu líka til veiðidótið fyrir mig og rauðu silkináttfötin mín. Ég kem eftir klukkutíma og næ í þetta“.

Að viku liðinni kom Hannes úr veiðitúrnum.

„Var þetta góður túr elskan?“ spurði konan.

„Já alveg frábær, meiriháttar“ svaraði Hannes. „En þú gleymdir að pakka niður rauðu silkináttförunum mínum“.

„Nei elskan“ svaraði konan, „ég setti þau með veiðidótinu“.

Frábært ...

...hjá honum. Hann er öðrum til fyrirmyndar!

 

 

Fór lamaður að eldgosinu