Átakanlegt

Hvað er ógnvænlegra en missa undan sér?

Þetta gæti verið  „viðtal við manninn“, eða þannig.

 

 

Fyrirgefið aulahúmorinn.

Fjarlægðu rangt eista

Sko mínar!

Stelpurnar „OKKAR“ eru alltaf betri en strákarnir „okkar“ hvort heldur er í knattspyrnu eða heyskap.

Sökum þjóðernisrembings, tek ég ofan, þótt ég hafi minna en engan áhuga á boltasparki sem slíku.

Öruggur sigur Íslands í Króatíu

Nú þurfa Árni Finnsson og.....

..... einsmanns samtökin hans aldeilis að raspa raddböndin.

Obama hyggst leggja til að leyfa olíuborun

Mulningur #22

 „Mamma má ég lesa þar til ég sofna?“  Kallaði Hannes litli.

„Já elskan mín, en ekki mínútu lengur.“

.

.

 

Mér er létt!

Stór og þanin bjórvömb er afskaplega hvimleitt fyrirbrigði og berandanum lítt til fegurðarauka.

Hér er talað af reynslu, þótt „bjórvömbin“ mín hafi orðið til vegna ofneyslu  á mat frekar en bjór.

Þessi frétt er yndisleg, hún færir mér sanninn um að bjórvömbin er ekki mín sök heldur konunnar.  

Ég veit núna að ég ber enga ábyrgð á aukakílóunum, þau get ég alfarið skrifað á reikning konunnar og formæðra hennar,  þótt flest hafi kílóin komið eftir að við hjónin skildum.

Þetta vissi ég alltaf, svona ómeðvitað, en hér er það svart á hvítu.

Mér er létt, stórlega. Skál fyrir því.

.

Karlmenn eiga konum bjórinn að þakka

Að slá gras getur verið dauðans alvara.

 

Það er vissara að fara að öllu með gát þótt græjurnar séu ekki af stærrigerðinni.

Gullna reglan er að velja ekki stærri tæki en maður ræður þokkalega við.

Ótrúleg uppákoma í Króatíu

Þvílíkt viðtal.

Viðtalið við unga manninn drátthaga Alexander Ómar í Kastljósinu í kvöld var það jákvæðasta  og besta efni sem ég hef séð  í sjónvarpi lengi. Hann er þvílíkur menningarköggull og jákvæðnibolti þessi ungi drengur að það hálfa af hálfa væri nóg.

Þetta minnti mig á þegar ég var að vanda um við 4 ára dótturson minn og nafna. Þá greip hann fram í fyrir mér og sagði;

„Afi, afi bara slaka ögn á og vera rólegur!“

Það virkaði.

Áfram unga fólkið!

Hvað hverfur?

Hver er tilgangurinn að leggja niður einhverja stofnun að nafninu til ef starfsemin og kostnaðurinn verður aðeins flutt  óbreytt á  aðra stofnun?

Hættir kostnaðurinn við óeðlilega hernaðarþátttöku Íslendinga að vera til við það eitt að flytja bókhaldslykilinn milli skúffa í utanríkisráðuneytinu?

Hvað breytist?

Ekkert!

Össur ????

Varnarmálstofnun lögð niður

Ekki á okkar líftíma.

Sé mið tekið af þeim svartnættis og forneskju hugsunarhætti sem ríkt hefur innan kaþólskukirkjunnar um aldir, er hvert örstutt skref út úr myrkrinu í sjálfu sér risastökk fyrir kirkjuna. En betur má ef duga skal.

Það kemur aldrei ásættanleg og trúverðug niðurstaða út úr rannsókn sem kirkjan gerir á sjálfri sér og gildir þá einu hverju sú rannsókn skilar.

Í þessu máli kemur aðeins afhjúpun sannleikans að gagni, skvettur  af vígðu vatni og haugar af Maríubænum gera ekki annað en auka á tortryggnina.

Miðað við þann hraða sem verið hefur á framþróun og breytingum innan kaþólskukirkjunnar þá verður það, sem Benedikt  páfi 16. kallar skjót viðbrögð, sennilega ekki á okkar líftíma.

 

Neyðarlína fyrir fórnarlömb kaþólskra presta

Mulningur #21

Hannes kom í hasti inn í apótek og spurði apótekarann óðamála hvort hann ætti ekki eitthvað við hiksta. Apótekarinn brá skjótt við og sló Hannes snöggt utanundir til að bregða honum.

„Af hverju í andskotanum gerðir þú þetta?“ spurði Hannes í forundran.

„Ég þori að veðja að hikstinn er horfinn“ sagði apótekarinn.

„Við verðum þá að fara út og athuga með konuna mína, hún situr út í bíl og hikstaði áðan eins og henni væri bogað fyrir það“.