Og hvað varðar....

....okkur um það?

 

Sonur Michaels Douglas í fangelsi

Bjarni ætlar að endurnýja sitt umboð

Endurnýjað formannsumboð Bjarna barnunga verður þá væntanlega í sama stíl og þegar Þorgerður Katrín Gunnarsdóttir endurnýjaði umboð sitt sem varaformaður á landsfundi Sjálfstæðisflokksins í fyrra eftir að hafa orðið uppvís að því að gjaldfella persónulegar skuldir hennar og Kristjáns Arasonar á þjóðina.

Það umboð, sem Þorgerður fékk á landsfundinum, svo traust sem það var sagt þá, reyndist ekki pappírsins virði.

Sama bíður Bjarna og þótt hans umboð verði endurnýjað á komandi landsfundi þá verður það ekki munnvatnsins virði þegar frá líður.

En verði þeirra vilji, að þessu sinni. Skaðinn verður þeirra.

Bjarni vill fá nýtt umboð

Eru þessi orð Ólafs Ragnars ekki kjarni málsins?

Ég hélt nú satt að segja að við hefðum lært það, af reynslu síðustu ára, að það þjónar ekki hagsmunum okkar sem þjóðar, eða samvinnu okkar við önnur ríki, að ekki megi ræða um hugsanlegar hættur, heldur eigum við að halda bara slíku fyrir okkur sjálf.

Óábyrgt að draga fjöður yfir goshættuna

Geiragos

Það hlýtur að vera íslenskum femínistum ómetanlegur stuðningur  að fá það staðfest með þessum hætti og frá ekki ómerkari aðila, að nekt sé ekki einungis ábyrg fyrir öllum óförum Íslendinga heldur líka ábyrg fyrir jarðskjálftum og eldgosum.

Geiri á Goldfinger er greinilega ábyrgur fyrir eldgosinu á Fimmvörðuhálsi og Eyjafjallajökli. 

Það er ótækt að láta hann komast upp með það.

   

Kennir fáklæddum konum um jarðskjálfta

Það var eins gott...

 ...að forsetinn hafði ekki orð á því að mögulega yrði öskufall í Eyjum á morgun.

Nærri má geta hvaða áhrif það gæti haft á ferðaþjónustuna, og alles.

Það færi allt á hliðina.

Aska gæti náð að Eyjum á morgun

Mulningur #26

Þrjár ljóskur áttu sér þann draum að komast í rannsóknarlögregluna og sóttu um.  Þær fóru saman í inntökuprófið sem var munnlegt en strembið.

Sú fyrsta fór inn í prófherbergið og henni var sýnd vangamynd af grunuðum manni. Hún var beðin um að útskýra hvernig hún gæti þekkt hann aftur.   

    „Það er auðvelt,“ sagði hún. „Hann er bara með eitt auga.“

Prófdómarinn hristi höfuðið og sendi hana út og kallaði næstu ljóskuna inn. Henni var sýnd sama myndin og spurð sömu spurningar.   

    „Þetta er auðvelt,“  hrópaði hún. „Hann er bara með eitt eyra.“

Hún var líka send út og síðasta ljóskan kölluð inn. Prófdómarinn var ekki mjög bjartsýnn þegar hann lagði sömu myndina og spurninguna fyrir hana.   

    „Þetta er einfalt,“ sagði síðasta ljóskan,  „hann notar augnlinsur.“    

    „Hvernig í ósköpunum veistu það?“  Spurði prófdómarinn, forvitinn og hissa.   

    „Ja hvernig á maður sem er bara með eitt auga og eitt eyra að geta notað gleraugu.“ 

 

Auðvitað er eldgosið mál allrar þjóðarinnar, ekki spurning um það.

Spurningin er aðeins hvað langur tími líður áður en Jón Bjarnason byrjar að hringsnúast og skipta um skoðun örar en auga á festir eftir að hagsmunaaðilar allskonar byrja að bögga hann út af málinu.

Bjargráðasjóður bjargar bændum

Það er vandlifað þessa dagana.

Ég sé ekki betur en forseti Íslands hafi aftur steypt sér niður á botninn í vinsældaboxinu. Ástæðan er ofur saklaust viðtal við hann í þættinum  Newsnight á BBC í gærkvöldi. 

Þetta viðtal virðist fara ansi illa í marga. Hvað sagði forsetinn svona hættulegt? Sagði hann nokkuð annað en sannleikann og lýsti aðstæðum á raunsannan hátt?

Hefur ekki  öll þjóðin krafist þess undanfarið að fá sannleikann, ekkert nema sannleikann og allan sannleikann upp á borðið í ákveðnu máli?

En þegar forsetinn segir sannleikann um gosið og endurtekur aðeins það sem jarðfræðingar og aðrir fræðingar hafa,  í ljósi sögunnar,  sagt um mögulega þróun atburða í framhaldi gossins verður allt vitlaust.  

Svo er að sjá að fólk krefjist þess að sannleikurinn um gosið verði ekki nefndur frekar en snara í hengds manns húsi. Það gæti kostað pening. Þarf þá ekki að kefla alla vísindamennina?

Er sannleikurinn bara til að græða á honum?

Það er athyglisvert að sjá að margir svarnir andstæðingar forsetans, sem hömpuðu honum og hylltu eftir synjun hans á Icesave, eru farnir að sparka í hann aftur.

Gosið nú lítið annað en æfing

Stoppum klámið áður en það....það.....það....!

Öfgatrúarhundar og siðgæðisgærur  þessa lands telja fullsannað  að öll sú óáran sem yfir þjóðina hafa dunið síðustu mánuðina sé klámvæðingunni og nektarfíkn landans um að kenna, ásamt skorti á Guðlegri réttsýni.

Af frumkvæði þeirra er í undirbúningi  lagafrumvarp sem bannar elskendum, sem hafa verið saman skemur en 55 ár, að hátta sig saman nema í myrkri.

Jafnframt verður fólki bannað að sýna sig án fata í sturtum og búningsklefum sundlauga og íþróttahúsa.

Börnum verður  gert skylt að fæðast fullklædd  og þá  í kynlausum fötum.

Skylt verður að halda fyrir augu ungbarna meðan þeim er gefið brjóst til að ofbjóða ekki óþroskaðri  blygðunarkennd barnsins.

Sér í lagi eru sveinbörn viðkvæm fyrir brjóstaglápi, sem getur hæglega dregið fram klámeðlið í þeim síðar á ævinni, því lengi býr að fyrstu gerð.

 

Flestir vilja banna nektardans

Er öryggi og öryggi sitthvað?

Nú skulu  sótraftar á sjó dregnir til að bjarga ólánsömum Bretum úr sjálfheldu á meginlandi Evrópu rétt eins og gert var í flóttanum mikla frá Dunkirk 1940.

HMS Ark Royal og HMS Ocean eru flugmóðurskip  en  fráleitt hönnuð til farþegaflutninga og vafasamt að það sé forsvaranlegt og fráleitt að það uppfylli öryggiskröfur að hrúga fólki um borð í þessi skip til selflutninga.

En það voru,  jú einu sinni,  öryggiskröfur í fluginu sem sköpuðu þetta vandamál. 

 

 

Breski sjóherinn sækir strandaglópa