Geta konur, ólíkt körlum, gert margt í einu?

Vonandi hefur stúlku kindin ekki líka verið að mála sig við aksturinn eins og iðulega má sjá í morgunumferðinni. 

.

.

           

Tekin á 169 km hraða

Enn er von til að páfinn ljúki sinni síðustu starfsskyldu

Þær fréttir að Benedikt XVI ætlaði ekki sinna þeirri hefð að andast í embætti veruleikafirrtur og elliær, hefur skekið hinn kaþólska heim. Þeim kaþólikkum sem ætluðu af hjörunum að ganga yfir boðaðri afsögn páfans er það eflaust huggun harmi gegn að páfi hyggst eyða ævikvöldinu innan klausturveggja.

Það hefði auðvitað verið áhangendum páfans mikið áfall hefði hann ætlað að gerast glaumgosi eða taka aftur upp þráðinn, hvar hann varð frá að hverfa úr Hitlersæskunni.

Því miður er umrætt klaustur aðeins hannað fyrir venjulega munka, því þarf að ráðast í verulegar endurbætur á klaustrinu svo það hæfi slíkum eðalmunk, sem ekki hefur þurft neinu meinlæti að venjast.

En áhangendur páfans geta enn beðið og vonað að páfinn sinni þeirri skyldu sinni að andast í embætti, til þess hefur hann 16 daga. Það ætti að vera ríflegur tími jafnvel fyrir menn sem hafa vanist því að gera ekkert hjálparlaust.

Páfi verður munkur

Vá, hugsið ykkur! - Nýju fötin prinsessunnar

Hugsið ykkur - „krónprinsessa Danmerkur, klæddist íslenskri hönnun þegar hún lék sér í snjónum með börnunum fjórum og eiginmanninum“. Hvernig klæðist fólk  „hönnun“?

Þvílík upphefð fyrir eðalslektið að klæðast  íslensk hönnuðum fatnaði. Prinsessan er að sögn Smartlands Moggans  „þekkt tískupæja og ekki myndi hún láta sjá sig dauða í lúðalegum útivistarfötum“.  

Það eru greinilega engin takmörk fyrir lágkúrunni í þessu Smartlandi.

Prinsessa í íslenskri hönnun

Hugsum aðeins út fyrir kassann

Er ekki hægt að nota þá tækni sem notuð er til að dæla síld og loðnu um borð í skip úr veiðarfærum til að ná síldinni af botni Kolgrafafjarðar?

Væri það hægt, gæti síldin nýst til bræðslu og orðið að einhverjum verðmætum í stað þess að rotna óbætt á botni Kolgrafafjarðar engum til gagns eða jafnvel til tjóns.

  

Grútarblautir ernir í Kolgrafafirði

Þá er það ljóst....

....að mínu atkvæði verður ekki sóað á stjórnarflokkana í vor.

 

Ekki ný stjórnarskrá

Dagsskipun flokksins er: Öllu skal fórnað fyrir vafninginn og hans spillta lið (lesist - pakk)

Er Hanna Birna að svara kalli hins almenna flokksfélaga og kjósenda með þessu varaformannsframboði, hún sem hafði áður alfarið hafnað þeim möguleika?

Þetta nýjasta framlag Hönnu Birnu er augljóslega að boði flokkseigandafélags Sjálfstæðisflokksins og er ekki sniðið til þess að koma flokknum, sem slíkum, til valda heldur til að tryggja völd „réttra“ manna, flokksgæðinga með réttu hagsmuna tengslin.

Flokkeigandafélag Sjálfstæðisflokksins sér að hægt og örugglega fjarar undan því litla trausti sem almenningur hefur á Bjarna Benediktssyni og vill tryggja að Hanna Birna fari ekki gegn „glataða syninum“ á flokksþinginu.

Flokkseigandafélagið kýs ætterni og hagsmunatengsl fram yfir heiðarleika og æru, því vill það frekar spilltan og ærulausan karl í forystu en heiðarlega konu, sem hefur unnið sér það eitt til saka, að þeirra mati, að vera „ættsmærri“ en vafningurinn Bjarni, þrátt fyrir afgerandi umfram mannkosti.

Flokkseigendafélagið ætlar Hönnu Birnu það eina hlutverk að lyfta vafningnum upp í embætti forsætisráðherra, sem verður meiriháttar pólitískt hneyksli, jafnvel á íslenskan mælikvarða. 

Lítil leggst fyrir góða stúlku að þrælmenni skuli henni að fjörtjóni verða!

Býður sig fram til varaformanns

Vonandi

Enn á ný hafa vaknað vangaveltur um hugsanlegt framboð Hillary Clinton til forseta BNA 2016. Hillary er afar hæfileikarík og frambærileg kona.  

Það er sannarlega tími til komin að kona gegni þessu valdamesta embætti heimsins, það myndi kalla fram nýjar áherslur, ný viðhorf til hins betra.

Það yrði afar frískandi að fá Clinton hjónin aftur í Hvítahúsið.

Fer Clinton í forsetaframboð 2016?

Segið mér þennan aftur

Einhvern tíman hefði þurft að segja manni það tvisvar að ÓRG hafnaði tækifæri til að baða sig í eigin frægð, þó ekki væri nema til að segja; „I told you so“!

.

.

   

Ólafur tjáir sig ekki um Icesave

Rangur misskilningur?

Það sjá það allir að það er galin hugmynd, í öllu tilliti, að geyma eldavél úti á lóð. Það er spurning hvort eigandi eldavélarinnar  hefði ekki frekar átt að þakka þessum hirðusama nágrana sínum fyrir að bjarga vélinni undir þak og forða frá skemmdum, í stað þess að væna hann um þjófnað.  

Stal eldavél frá nágranna

Eiga konur að vera jafnari en karlar?

Ég átta mig ekki alveg á þessu innleggi Birgittu í jafnréttisumræðuna og hvort þessar hugrenningar geti talist yfir höfuð vera á einhverju jafnréttisplani.

Hvað meinar hún með því að það sé afturför í jafnréttismálum að karl tók við formannsembættinu í Samfylkingunni af konu? Telur hún að gegni kona einhverju embætti, sé það embætti framvegis eign kvenna? Er jafnréttið bara kvenna?

Hvað koma þessi formanns- skipti í Samfylkingunni því við hverjir eru formenn hinna flokkana? Er hún að meina að karl geti ekki verið formaður Samfylkingarinnar af því for- menn hinna flokkana eru karlar?

Hún segist ekki vera að kalla eftir kynjakvóta, en ef hún er ekki að því hvað er hún þá að fara?

Hefði hún séð ástæðu til svona jafnréttisskrifa um meintan kynjahalla væru formenn allra flokkana konur? Það efa ég, það er fullmikil kvennalykt af þessum skrifum Birgittu til að ræsa minn skilning.

„Sorgleg afturför í jafnrétti“