Minningagreinin um Davíð

Hannes Hólmsteinn skrifar 4 síðna minningagrein um Davíð vin sinn Oddson í Morgunblaðið. Þetta hlýtur að vera minningagrein, því aðeins í slíkum skrifum tíðkast að gera guði úr engu.

david_og_hannes.jpgHannes eignar Dodda vini sínum verk annarra, hagræðir og umsnýr sannleikanum og færir atburði til í tíma og fer jafn létt með það og þegar hann fór ófrjálsri hendi um ritverk annarra, hér um árið.

Líkum má að því leiða að þessum skrifum um ævintýri Dodda sé ekki lokið og fleiri bindi eigi eftir að líta dagsins ljós.

Í næsta bindi um afrek Dodda er líklegt að sigrar hans í þorskastríðunum verið raktir, hvernig hann kom heimastjórninni á 1918 og stofnaði lýðveldið 1944.

Sennilega verður það ekki fyrr en í 11. bindi um afrek Dodda sem greint verður frá því þegar hann flutti fjallræðuna og gerði kraftaverkið með fiskana tvo og brauðin fimm.

Enn síðar í ritröðinni fáum við frásögnina af því þegar Doddi syndlausi smíðaði örkina fyrir flóðið mikla, þegar vonda vonda vinstra fólkið ætlaði að tortíma öllu góða góða fólkinu.

Hér er spurningin ekki á hvaða lyfjum höfundur Dodda ævintýranna sé, heldur á hvaða lyfjum hann ætti að vera.

 

Athugasemd: Vegna ábendingar er rétt að geta þess að við fengum heimastjórnina 1904 en urðum sjálfstætt ríki 1918, sem ég átti að sjálfsögðu við. En rétt skal vera rétt.


Hönnuð atburðarás?

Hvaða skoðun sem menn kunna að hafa á Ólafi Ragnari þá er hann eini frambjóðandinn, enn sem komið er, sem atkvæðinu væri eyðandi á.

Eitt vekur samt athygli. Ólafur Ragnar rökstuddi viðsnúning sinn m.a. með því að vitna til atburða liðinna vikna og mótmælum þúsunda manna á Austurvelli, sem kröfðust afsagnar forsætisráðherra og þingkosninga.

Skilja mátti af orðum Ólafs að hann hefði komið því fyrrtalda í kring fyrir þjóðina. En af hverju sveik hann svo þjóð sína um þingrof og kosningar?

Það verður því aðeins skiljanlegt að dramað í kringum fund Ólafs Ragnars og Sigmundar Davíðs á Bessastöðum hafi aðeins verið leiksýning af Ólafs hálfu til að skapa honum kjöraðstæður til upprisu.


mbl.is „Hlýtur að vera svona einstakur“
Tilkynna um óviðeigandi tengingu við frétt

Glataði sonurinn, sem enginn vill sjá

Þeir eru ófáir framsóknarmennirnir sem liggja á bæn þessa dagana og biðja þess að Sigmundur Davíð snúi ekki aftur úr fríinu og hafi sjálfur vit og frumkvæði að því að gera fjarveru sína varanlega.

En í ljósi bráðlætis fallna forsætisráðherrans er ólíklegt að órólegum þegnum hans verði að þeirri ósk sinni, þeir sjá því framá að þurfa að gyrða hann, nauðugan, í brók.


mbl.is Funda með Sigmundi eftir frí
Tilkynna um óviðeigandi tengingu við frétt

Fé sett í fjárdrátt

Meeeee!

Segir ráðstöfunarfé Sigurðar Inga.

 

 

 


mbl.is Fé sett í úttekt á skattkerfinu
Tilkynna um óviðeigandi tengingu við frétt

Tilræði

Til hvers er RUV að eyða milljónum í Eurovision ef markmiðið er að lágmarka áhorfið?

Að setja Gísla Martein í þularstarfið er beint tilræði við þetta annars vinsæla dagskrárefni.

 


mbl.is Gísli Marteinn mun kynna Eurovision
Tilkynna um óviðeigandi tengingu við frétt

Gamall, en sem nýr

Sá gamlan brandara á Fésinu í dag. Í ljósi síðustu atburða og þess óhjákvæmilega er rétt að dusta af honum rykið.

--o0o--

Flugvélin var við það að hrapa, það voru 5 farþegar um borð en aðeins 4 fallhlífar. Fyrsti farþeginn sagði: "Ég er Sigmundur Davíð, hinn útvaldi forsætisráðherra. Heimurinn þarfnast mín, það er ekki minn tími til að deyja." Hann tók fyrstu fallhlífina og stökk úr flugvélinni.

Annar farþeginn, Bjarni Ben, sagði: "Ég er fjármálaráðherra og formaður stærsta stjórnmálaflokks á Íslandi." Hann greip fallhlífina við hliðina á honum og stökk.

Þriðji farþeginn, Vigdís Hauksdóttir, sagði: "Ég er formaður fjárlaganefndar og hlutverk mitt er að vinda ofan af bótavæðingu síðustu vinstristjórnar!!!" Hún tók þriðju fallhlífina og stökk út úr flugvélinni.

Fjórði farþeginn, Ómar Ragnarsson, sagði við fimmta farþegann, 10 ára gamla stelpu, "Ég hef lifað góðu lífi og þjónað landi mínu eins og best var á kosið. Ég mun fórna lífi mínu og láta þig hafa síðustu fallhlífina."

Litla stúlkan sagði, "Þetta er allt í lagi, Ómar. Það eru 2 fallhlífar eftir, Vigdís stökk með skólatöskuna mína."


mbl.is Klára ákveðin mál - svo kosningar
Tilkynna um óviðeigandi tengingu við frétt

Ekkert fyrir allt

Sigmundur Davíð vildi að ríkisstjórnin stæði saman eða félli að öðrum kosti. Honum varð ekki að ósk sinni, því hvorugt gerðist. Sigmundur brá fæti fyrir sig sjálfan og féll með bauki og bramli.

Forin hrærð

„Sigmundur Davíð segir konu sína reiðubúna að birta frekari gögn um skattamál þeirra hjóna ef aðrir forystumenn stjórnarflokkanna geri slíkt hið sama". Það er bara svona. Er þetta vörn hvítflibbans? Vörn þess sem segist ekkert hafa að fela. Hefur...

Getur loftbelgurinn ekki ákveðið sig?

Sigmundur Davíð Gunnlaugsson varði í dag ríkisstjórnina og þingmeirihluta hennar vantrausti með atkvæði sínu á Alþingi. Er þetta ekki örugglega sami Sigmundur, sem hér ver ríkisstjórnina, og fór hraðferð út á Bessastaði í vikunni við þriðja mann, til að...

Klórað yfir skítinn

Fyrir viku hefði það ekki hvarflað að nokkrum manni að það ætti yfir höfuð fyrir Sigurði Inga Jóhannssyni að liggja á lífsleiðinni að verða forsætisráðherra Íslands. Þá allra síst honum sjálfum. Sigurður Ingi er klárlega risminnsti og hæfileikasnauðasti...

Misheppnað valdarán

Bessastaðaför Sigmundar Davíðs lítur helst út fyrir að hafa verið tilraun, af hans hálfu, til valdaráns.

Nú er það svart

Dökkt var það fyrir Kastljósþáttinn, en nú er það svart maður! Hverju kennir Simmi "sótsvarti" um núna? Fullyrðing hans um illgirnis- og lygasamsæri RUV heldur ekki vatni lengur.

Bjarni Ben: "Græddi ekki á staðsetningunni"

Græddi ekki á „glæpnum“ segir Bjarni. Óbreyttir glæpamenn hljóta að fagna þessari yfirlýsingu fjármálaráðherrans. Götuglæponar sjá fram á breytta og betri tíma. Nú þurfa þeir bara að sýna að „fjármálavafstur“ þeirra skili ekki...

Sjálfgefin syndaaflausn

Hver man ekki þegar Bjarni Ármannsson bankagúrú veitti sjálfum sér skuldaaflausn og sagði að það væri fullkomlega ábyrgðalaust af honum, greiddi hann skuldir sínar. Núna hefur Sigmundur Davíð Gunnlaugsson forsætisráðherra leitað í smiðju Bjarna og veitt...

Búið spil - úrslitin ráðin

Nú geta þeir fjölmörgu sem sjá sjálfa sig fyrir sér í húsbóndasætinu á Bessastöðum en hafa enn ekki boðið sig fram, gleymt þeim áformum. Þeir frambjóðendur sem þegar hafa stigið fram hljóta að sjá sína sæng uppreidda og draga sig í hlé. Því mættur er til...

Munum við friða okkur í hel?

Þarna höfum við það svart á hvítu, hvað undanlátssemi við öfgafriðunarsinna kostar. Þegar alfriðun hvala er í höfn, þá þurfa öfgatapparnir, sér til viðurværis, annað fórnarlamb. Nú er það þorskurinn. Síðan verður hver tegundin eftir aðra tekin uns ekkert...

Í hár saman

Þetta er efnilegt og lofar góðu! Stjórnarslit fyrir páska?

Smjörklípa forsætisráðherrans

Það leit út fyrir um tíma að Sigmundur Davíð, forsætisráðherra lýðveldisins, ætlaði að láta til sín taka svo um munaði í byggingarmálum Landsspítalans. Beðið var eftir að hann fylgdi eftir hugmyndum sínum um breytta staðsetningu spítalans í...

Batnandi manni....

Þetta er fyrsta vitglóran sem örlar á, hjá þessum manni. Ætli sé von á meiru?

5...6...7...8...

Vá hann er fimm daga gamall í dag, litli Svía-prinsinn. Á morgun verður hann svo sex daga gamall og 7 daga á miðvikudaginn. Sennilega eldist hann svo um einn dag á dag alveg eins og öll önnur börn sem fjölmiðlar ákveða af einhverju ástæðum að séu ekki...

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.