Þetta er fullkomlega eðlilegt hlutfall!

Hlutfall kvenna,  innanvið  ¼ af viðmælendum í þáttum  á RUV eins og t.d. Silfrinu og Vikulokunum, er fullkomlega eðlilegt og alls ekki gagnrýniverð.

Því það endurspeglar hlutfall kvenna í stjórnunarstöðum í þjóðfélaginu, það óeðlilega er,  hve illa konum gengur að ryðja sér braut í stjórnunarstöður í þjóðfélaginu.  

Það væri líklegra til árangurs fyrir konur ef Kvenréttindafélag Íslands réðist  gegn orsök vandans, en hjólaði ekki í afleiðinguna.   

Egill Helgason og Hallgrímur Thorsteinsson bera ekki ábyrgð á vandanum, þeir gera hann aðeins sýnilegan.

Sjónarmið kvenna komast ekki að

Spillingin upprætt.

Barack Obama ræddi í dag við Karzai „forseta“ Afganistan og hvatti hann til að uppræta spillinguna í landinu.

Þar sem Karzai er holdgerfingur Afganskrar spillingar á hann aðeins eitt ráð vilji hann fara að ráðum Obama, að fjarlægja sjálfan sig – varanlega.

Hvatti Karzai til uppræta spillingu

Fagleg skipan

Ekki verðu annað séð en skipan Stefáns Hauks Jóhannessonar til að fara fyrir samninganefnd Íslands í aðildarviðræðum við Evrópusambandið sé bæði fagleg og skynsamleg.

Stefán verður aðalsamningamaður

Hæ, hæ, Osama hér er ég!

 USS New York er 205m á lengd og særými þess er 25.000 tonn. Það eru því verulegar ýkjur að segja skipið smíðað úr Tvíburaturnunum, þegar aðeins sjö og hálft tonn af massa skipsins er stál úr turnunum.

Ég fæ ekki betur séð en þessi afgerandi tenging skipsins við Tvíburaturnana sé mjög misráðin og aðeins til þess fallin að gera það að uppáhalds skotmarki hryðjuverkamanna.

Alt eins hefði mátt mála skotskífur á síður skipsins. Verði þessu fljótandi tákni 11. september grandað yrði niðurlæging Bandaríkjanna alger.

Áhugasama skortir örugglega ekki.

Herskip smíðað úr stáli Tvíburaturnanna

Auddi og Sveppi kelfa kvígu.

Það verður seint sagt um þá Audda  og Sveppa að þeir séu sporfylgjendur í furðulegum uppátækjum sínum.

Það segir frá því á Vísi.is að samkvæmt frétt í Fréttablaðinu hafi þeir félagar nýlega brugðið sér í fjósið á Tannstaðabakka í Hrútafirði norður og átt þar rómantíska samverustund með einni kvígunni,  með það að markmiði að kelfa hana.

Dýralæknafélagi Íslands mun ekki skemmt yfir þessu tiltæki og dregur  eðlilega  í efa getu þeirra félaga, að gagnast kú.  Vegna  verklegs getuleysis hafi þetta verið  niðurlægjandi fyrir kvíguna, að sögn félagsins.

Líklegt verður að telja að á þessu sviði séu þeir algerir kálfar og beri sig fjærri því nægjanlega nautslega að, líkt og vanir sæðarar.

Ekki fer af því sögum hvort þessi ástarfundur í fjósinu á Tannstaðabakka hafi borið ávöxt.

Meðf. mynd er Fréttablaðsins.

 

 

Sjónvarpsgláp við akstur...

...hlýtur að flokkast undir handfrjálsa notkun á fjarskiptabúnaði.

.

.

Mega glápa á sjónvarp undir stýri