Hið sanna ríkidæmi

Við gömlu brýnin, fórum í dag að ná í Axel Þór dótturson minn og nafna á Reykjavíkurflugvöll, ég og amma hans. Nafni  var að koma úr páskaheimsókn til pabba síns á Akureyri. Mamma og fósturfaðir Axels komust ekki svo við gömlu græjurnar hlupum í skarðið.

Það var eins og alltaf áður við svipuð atvik eins og í flugstöðinni, þegar Axel litli kom hlaupandi til okkar og flaug upp um hálsinn á okkur, þá fannst mér eins og ég hefði himinn höndum tekið. Það sama á við um öll barnabörnin, ég bráðna niður og verð að gjalti þegar þau umfaðma mig, með hlýju sinni og væntumþykju og kúra höfuð sitt í hálsakoti.

Manni verður ósjálfrátt hugsað, á stundum sem þessum hve ríkur maður er, rúmlega fimmtugur, að eiga sex barnabörn, hvert öðru dásamlegra.

Gátu flogið þrjár ferðir vestur

Vonandi lifa menn glaðan dag eftir þetta atvik

Voðalegt mál er þetta varðandi Einar Magnús veðurfræðing, honum urðu á mistök í upptöku, sem tæknimenn sjónvarpsins kórónuðu svo með því að klúðra útsendingunni.

Hvaða læti eru þetta, á blogginu og ekki hvað síst á fésinu? Verða okkur öllum ekki á mistök daginn út og daginn inn, frá fæðingu til dauða?

Vonandi birtir aftur á morgun hjá þeim sem sjá ekki fram úr þessu „vandræða atviki“.

Veðurfréttamaður RÚV vekur athygli

Er fullur aðskilnaður á búk Bashar al- Assad og höfði, helsta friðarvonin?

Hvað þarf Bashar al-Assad forseti Sýrlands að brjóta marga samninga og yfirlýsingar um að stöðva bardagana, áður en Kofi Annan og aðrar slíkar fígúrur átta sig á því að ekki fylgir hugur máli hjá forsetanum.

Eitt skil ég ekki, í svona stríðsrugli eins og í Sýrlandi. Samkomulag náðist í síðustu viku um vopnahlé! Þá hefði mátt ætla að bardögum yrði hætt strax! Nei ekki aldeilis, samþykkt var að menn héldu áfram í viku til viðbótar að drepa hvern annan, en hættu svo!

Reynslan segir hinsvegar að lítil von sé til þess að bardögum í Sýrlandi ljúki fyrr en fullur aðskilnaður hefur átt sér stað á búk forsetans og höfði.

Vopnahlé eins og olía á ófriðarbál

Sæti á Ólympíuleikunum í augnsýn

Þeir eru á góðri siglingu strákarnir, þeir hafa greinilega fundið taktinn.

Áfram Ísland!

 

Íslenska landsliðið á Ólympíuleikana

Friðar Svanhvít sjálfa sig neðanverða?

Auðvitað klárum við að virkja nýtilega kosti í Þjórsá. Gerist það ekki á þessu kjörtímabili, mun það gerast síðar, ráði heilbrigð skynsemi.

Stefna núverandi umhverfisráðherra Svandísar Svavarsdóttur er stefna dauðans. Að hafna virkjunum í  neðrihluta Þjórsár er álíka og Svandís blessunin komi heim til bónda síns að kveldi vinnudags með þær fregnir að fyrr um daginn hafi hún ákveðið, að frá umhverfislegu sjónarmiði, verði hún sjálf framvegis alfriðuð neðan nafla.

Vill fara í tvær virkjanir í Þjórsá

Lausn Manson væri móðgun við mannkynið.

Það verður eflaust forvitnilegt að sjá hvaða siðferðis- og lagalegu rök lögfræðingur  Charles Manson færir fram í tilraun sinni að fá hann lausan frá lífstíðarlöngum dómi hans, sem upphaflega var dauðadómur.

Skrímslið Manson má aldrei aftur, undir neinum kringumstæðum, um frjálst höfuð sér strjúka, það væri vanvirðing við minningu fórnarlamba hans og móðgun við almenna siðferðiskennd.

  

Ný mynd birt af Charles Manson

Sigur á morgun....

....og þá eru Ólympíuleikarnir í höfn. Áfram Ísland.

 

Öruggur íslenskur sigur

Réttlæti Íhaldsins

Skoskir sjómenn, sem misstu lifibrauð sitt í kjölfar Þorskastríðanna við Íslendinga, hafa nú um síðir fengið bætur upp á heil 1000 pund ásamt afsökunarbeiðni frá breskum stjórnvöldum, fyrir tómlæti stjórnvalda  vegna tjóns þeirra.

Haft er eftir einum sjómannanna, sem kominn er á eftirlaun, að of seint illa sé í rassinn gripið, flestir sjómannanna séu komnir undir græna torfu,  auk þess sé afsökunarbeiðnin sem slík sé hrein móðgun við sjómannastéttina.

Réttlæti og örlæti Íhaldsins lætur ekki að sér hæða, úti þar, frekar en hér heima.

Bætur fyrir Þorskastríð í grýttan jarðveg

Slade alive

 

 Keep On Rocking

 

 

Vilja menn Dalvík á landsvísu?

Hún er gersamlega arfavitlaus hugmynd Þórs Saari að leggja fiskveiðistjórnunarkerfið í þjóðaratkvæði á meðan útgerðarmenn eru í þeirri aðstöðu að geta tekið heilu byggðarlögin í gíslingu til að kalla fram þá niðurstöðu sem þeim er þóknanleg.

Eins og Dalvíkurkúgun Samherja og fleiri dæmi sanna.

Það er hinsvegar satt og rétt hjá Þór að mál sé að deilum um fiskveiðistjórnunarkerfið linni.

 .

.

Kíkið á skoðanakönnunina hér til vinstri.  Hún er í þremur hlutum.  Skemmtilegast er,  sé öllum möguleikunum svarað.

Þjóðaratkvæði eða synjun forseta