Mikið hefði verið indælt...

...fyrir unnendur dauðarefsinga ef menn hefðu nú látið hendur standa fram úr ermum  og dæmt manninn  í stólinn og grillað hann strax eftir dóminn.

 

Saklaus sat inni í 27 ár

Skatt eða skurð?

Skattahækkanir eru óvin- sælar meðal almenn ings því þær leggjast í flestum tilvikum á línuna og með beinum hætti , þó sumir sleppi auðvitað alltaf. Því eru skatta- hækkanir eðlilega óvin- sælasta tekjuöflunarleið ríkisins.

Öðru máli gegnir um blessaðan niðurskurðinn, hann er óbeinn og þarf ekki endilega að koma beint við pyngjuna hjá öllum.  Alltaf er von að sú þjónusta sem viðkomandi er  bundin við eða mest háður sleppi við niðurskurðar- hnífinn og uppsagnir. Því er skiljanlegt að almenningur velji hnífinn frekar en skatta.

En það munu þeir allir eiga sameiginlegt , sem tilheyra þeim hópum, sem illa verða fyrir barðinu á niðurskurði og uppsögnum að hafa frekar kosið skatta- hækkanir en niðurskurð, svona eftir á að hyggja.

En hvað sem öllu líður er hvorutveggja, svona í bland, brýn nauðsyn í því ástandi sem ríkir, hvort sem mönnum líkar það betur eða verr.

  

Vilja frekar skera niður en hækka skatta

Magnað...

 ...og stórskemmtilegt uppátæki. Hvernig ætli sé annars að upplifa sig, eins og dýrin, hinu megin við rimlana?

Mannskepnur til sýnis

Blessað eldvatnið!

Það er mikil blessun að ekki verði neinn skortur á eld- og söngvatni.

Það væri nú auma ástandið ef það gerðist á þessum tíma árs.

.

.

 

Nóg af áfengi í Eyjum

Æ sér gjöf til gjalda.

Ég næ ekki þessu upphlaupi út af kostun Birtíngs, þetta eru ekki nýjar fréttir. Ég get ekki séð að þessi kostun sé í eðli sínu alvarlegri en kostun annarra fyrirtækja á hinu og þessu þvers og kruss um fjölmiðlana og hefur viðgengist um langa hríð og ekki farið leynt. Það er svo önnur saga hvort þetta geti talist eðlilegt viðskiptaform og hvort fyrirtækin telja sig vera að kaupa velvild með þessum viðskiptum.

Hver kannast ekki við að í upphafi og í lokin á sjónvarpsþáttum  og öðru efni komi tilkynning að viðkomandi þáttur hafi verið kostaður af þessum eða  hinum. Hver er munurinn á því að kosta útsendingu á einhverjum þætti eða borga annan "kostnað" fyrir fjölmiðilinn?

Voru menn í þessu tilfelli að kaupa sér meiri velvild Útvarps Sögu en ef greiðslan hefði verið í öðru formi.  En það verður að hrósa Arnþrúði fyrir að koma fram og játa að hún hafi þegið greiðslu fyrir útsendingu á þessum „áróðursþætti“  Baugsveldisins,  á stöðinni  sem gefur sig út fyrir að vera frjáls og engum háð.

Aldrei verið neitt launungarmál

Í sandkassanum

Strax í fyrstu vikunni eftir að Landeyjarhöfn var tekin í notkun minnir Akkilesarhæll hafnarinnar og staðsetning hennar á sig. Takmarkað dýpi hindrar siglingu Herjólfs um höfnina. Þarf virkilega strax að ráðast í dýpkun og hvernig verður þetta á komandi vikum og mánuðum?

Þar sem mikil tilfærsla er á sandi við strendur þá safnast hann upp við allar fyrirstöður, hvort sem þær eru náttúrulegar eða manngerðar. Þegar sjórinn er mettaður af sandi og sandurinn berst með straumum og brimi inn í kyrrð hafnarinnar þá sest hann þar og safnast fyrir.

Ég leyfi mér að efast um fullyrðingu þess efnis að hönnun hafnarinnar tryggi að hún hreinsi sig sjálf af sandi, til þess þyrfti gegnumstreymi í höfnina. Ef sogadráttur væri það öflugur í höfninni að hann rifi upp sandinn og flytti út úr höfninni þá yrði hún um leið lítt nothæf sem höfn.

Ef dýpið er ekki meira en það að Herjólfur kemst ekki um höfnina á fjöru þegar best er og blíðast, hvernig verður nýting hafnarinnar í válindum veðrum þegar brim er við ströndina, jafnvel dögum saman?  

En vonandi blessast þetta ævintýri.

Herjólfur tafðist um þrjá tíma