Er enginn munur á hermöngurum Íhaldsins og yfirlýstum hernaðarandstæðingum, þegar allt kemur til alls?

Það kom ekki á óvart á sínum tíma þegar hernaðar- og hermögnunarsinnar Íhaldsins og Framsóknar tóku sig til og reyndu að gera sig gilda í hermangi Kanans með því að stofna til hernaðarútgjalda undir ýmsum fallegum fræðiheitum.

 En að „norræna velferðarstjórnin“  skuli halda áfram þessum hráskinnaleik Íhaldsins kinnroðalaust og ætla að verja 430 miljónum á næsta ári í þetta andskotans bull og fjármagna það í þokkabót með velferðarniðurskurði hér heima, er þyngra en tárum taki.

Hafið helvítis skömm fyrir, segi það og meina.

Aukinn kostnaður vegna friðargæslu

Grautlinur Sjálfstæðisflokkur

Endurómun Sjálfstæðisflokksins á afstöðu Ísraels til sjálfstæðs ríkis Palestínu kemur ekki á óvart.

Sjálfstæðisflokkurinn  hefur þá afstöðu til sjálfstæðis-mála Palestínu að íbúum hennar beri að vera leiguþý og þrælar herraríkisins Ísraels svo lengi og Ísrael þóknast.

  

Gagnrýna tillögu um Palestínu

Fátt er svo með öllu illt...

Sú staðreynd að Friðriki J. Arngrímssyni, framkvæmdastjóra LÍÚ og fyrrverandi skipsfélaga mínum á Örvari HU 21, skuli lítast bölvanlega á drögin um stjórn fiskveiða segir mér að eitthvað vitrænt kunni í þeim að leynast.

LÍÚ líst mjög illa á drögin

Steinum kastað úr glerkirkju

Það er broslegt að sjá biskupinn, æðsta yfirmann aðal forræðishyggju- apparats landsins, saka  aðra um forræðishyggju.

Ekkert í henni veröld ástundar jafnmikla forræðishyggju og af jafn mikilli ástríðu og trúarbrögð. Samasemmerkið er hvergi réttara en á milli trúarbragða og forræðishyggju.

Forræðishyggjubiskupinn tekur heldur betur skakkan pól í hæðina þegar hann sakar Reykjavíkurborg um forræðishyggju, þegar borgin er aðeins að skera á þá trúarbragðaforræðishyggju sem kirkjan hefur fram að þessu stundað, átölulaust, í skólum landsins.

Ganga langt í forræðishyggju

Hinn flugmaðurinn....

....og aðrir í áhöfn þyrlunnar eru þeir hr. einskisvirtir úr því ekki þykir ástæða til nefna þá til sögunnar eins og hans háborinnheit?

Er hertoganefnan eina hetja sögunar úr því mamman er royal?

Skítleg fréttamennska er það, þegar fréttamenn meta verk manna eftir ætt þeirra og uppruna.  

 

Vilhjálmur prins tók þátt í björgun

„Lágt lagst“

Mér fannst Lay Low virkilega spennandi söng- og tónlistarkona þegar hún kom fram fyrst. Hún hafði fallega, seyðandi og góða rödd, tónlistin og textarnir grípandi. En síðan hefur fjarað hratt undan henni á minni fjöru.

Ástæðan er einföld. Hún er í raun alltaf að syngja og flytja sama lagið. Enginn þolir að hlusta á sama lagið aftur og aftur.

Ég bíð spenntur eftir nýju lagi, er von á því?

   

Tvennir tónleikar og leiksýning í Sláturhúsinu á Egilsstöðum