Metnaðarlaust og hugmyndasnautt flopp

Íslenskir fjölmiðlar hafa, flestir hverjir, gegnum tíðina lagt bæði vinnu og metnað í að gera aprílgabb sitt sem best úr garði og trúverðugast.

Þessi 1. apríl frétt mbl.is í tilefni dagsins er örugglega einhver sú metnaðarlausasta og misheppnaðasta sem um getur í langri gabbsögu dagsins.

Nema auðvitað að plottið og tilgangurinn  sé að fá morgunfúla miðaldra bloggara til að stökkva á lyklaborðið og ......

Fornleifar í Landeyjahöfn

Ástarsamband

Snati er alveg sérstaklega hændur að ömmu.

 

Fáum við Særýmisgæslu við Ísland?

Ég þykist skilja hvað þetta  stofnanaorðskrípi „loftrýmisgæsla“ eigi að merkja en ég skil ekki tilgang ráðuneytisins og fréttamanna að troða því stöðugt fram í stað þess ágæta  orðs lofthelgisgæsla, myndað af orðinu lofthelgi, sem segir og skýrir mun betur en loftrými, hvað um ræðir, samanber orðin landhelgi  og landhelgisgæsla.

Má kannski eiga von á því að stofnanamálsunnendur muni reyna að  útrýma orðinu landhelgi og innleiða í staðin orðið særými? Landhelgisgæslan verður þá væntanlega í framhaldinu Særýmisgæslan!

Svo má spyrja af hverju í ósköpunum er verið að eyða peningum í svona bull í ljósi ástandsins í þjóðfélaginu,  nema auðvitað að þetta sé hluti af norrænu velferðarstefnunni til lausnar á vanda heimilana.

Kanada sér um lofrýmisgæslu við Ísland

Brennt barn forðast eldinn, en ekki Kaninn

Þannig byrjar það, með „saklausum“ vopnasendingum, en áður en þessir vitringar geta snúið sér við, verða þeir sjálfir komnir í stríð við þessi sömu vopn. 

Bregst ekki.

  

Útilokar ekki vopnasendingar

Eru hægt að lifa á því að eignast börn?

Útvarp Saga birtir daglega spurningu dagsins, oftast eru þær tengdar fjandskap útvarpsstöðvarinnar í garð ríkisstjórnarinnar og þannig orðaðar að niðurstaðan er giska fyrirsjáanleg. En í dag er aðeins sveigt af þeirri stefnu þótt illgirnin haldi sér.

Spurning dagsins á Útvarpi Sögu er: Telur þú að íslenskar konur séu að eignast börn til þess að gerast bótaþegar?

Undarlega er spurt, ætla mætti að sá eða sú sem spyr svona eigi engin börn og haldi að barneignir skapi foreldrum tekjur umfram gjöld.

4907 börn fæddust árið 2010

Íslenskur var hesturinn, auðvitað

Það er vissulega gleðilegt að drengurinn skuli hafa fundist heill á húfi og ekki þarf að efast um gleði foreldrana.

En þungamiðjan í frétt mbl.is  er auðvitað sú staðreynd að það var Íslenskur hestur sem fann drenginn , hvar hann var í útreiðatúr undir eiganda sínum.  

Danski drengurinn fundinn